🎖️ भारतीय जवान चंदू चव्हाण ?🎖️

✍️ थेट ऋषिकेश सुरेश आहेरचा लेखणीतून साभार 

🎖️ भारतीय जवान चंदू चव्हाण ?🎖️

चुकून भारतीय सीमा पार करून पाकिस्तानात गेल्यामुळे सैनिक चंदू चव्हाण यांना पाकिस्तानात अत्यंत हाल अपेष्टा सोसून परत आल्यानंतर भारतातही वेगवेगळ्या आव्हानांना सामोरे जाव लागल. सैन्याबाबत असलेल्या भारतीय कलमानुसार चंदू चव्हाण यांना नोकरी वरून देखील माघार घ्यावी लागली. मात्र इथे प्रश्न पडतो? अनावधानाने पाकिस्तान मध्ये शिरल्यामुळे जवान चंदू चव्हाण यांना एवढा त्रास सहन करावा लागतो व दुसरीकडे सीमा हैदर सारख्या व्यक्तीला एवढ्या सन्मानाने भारतीय नागरिकत्व बहाल केल्या जाते, यावरून नक्कीच वाटतेय की प्रशासनाचे रक्त गोठलय का? आयुष्याची 11 वर्ष सैन्य दलात सेवा देऊन चंदू चव्हाण यांनी चूक केलीय का ? या औरस प्रश्नांना कुठेतरी उभारी मिळाली पाहिजे तर खऱ्या अर्थाने न्यायव्यवस्थेची स्वतंत्रता दिसून येईल. आज चंदू चव्हाण यांना पेन्शनसाठी न्यायासाठी कुटुंबासाठी मंत्रालयासमोर न्यायाची भीक मागवी लागते यापेक्षा वाईट दिवस ते काय. ज्या सैनिकाने 11 वर्षापर्यंत तन-मन अर्पण करून भारत मातेची सेवा केली त्याच्यावर असे दिवस यावेत हे मनाला अत्यंत अस्वस्थ करणार आहे. ही गाथा फक्त चंदू चव्हाण पर्यंतच मर्यादित नसून असे अनेक फौजी आज देशभर आहेत. ज्यांची दोन वेळच्या अन्नासाठी सुद्धा घालमेल होत आहे. एकीकडे देशातील बड्या उद्योजकांना अभिनेत्यांना भेटी द्यायच्या त्यांची शहानिशा करायची मात्र आंदोलन करणाऱ्या जवानांना भेट देण्यासाठी वेळ नाही ही कीती खेदस्पद बाब आहे. माझ्या वैयक्तिक मतानुसार कुठल्याही लोकशाही देशातील सैनिकांना स्वतःची बाजू मांडण्यासाठी एवढा आटापिटा करावा लागत नसेल. एकीकडे विश्वगुरू होण्यासाठी वाटचाल करायची व दुसरीकडे चंदू चव्हाणांसारख्या  असंख्य जवानांना येथे न्याय मिळत नाही हे कुठेतरी विचित्र वाटत. कुलभूषण जाधव देखील असह्य त्रास पाकिस्तानात अजून सोसत आहे, काही दिवस त्यावरती देखिल खूप मोठ्या स्तरावर भाष्य करण्यात आल मात्र हळूहळू कुलभूषण जाधव या विषयावर देखील विर्जन पडताना दिसतय. या अत्यंत महत्त्वाच्या असलेल्या विषयांना सर्रासपणे बगल दिल्याचे बघून अनेक प्रश्न मनात निर्माण होतात. सरते शेवटी सन्माननीय सरकारला एवढीच विनंती करेल की या विषयांमध्ये जातीने लक्ष घालून शक्य होईल तेवढ्या लवकर न्याय देण्यात यावा. कुठल्याही देशाचं भूषण हे त्या देशातील सैनिक आहेत, अगदी जगातील जे महासत्ता देश आहेत त्यांना सुद्धा त्यांच्या सैन्यामुळेच तो दर्जा मिळालाय एवढे ध्यानात असू द्या. आपले भारतीय सैनिक तिथे सीमेवर 24× घंटे सतत आपल्यासाठी अहो रात्र छाती पुढे करून उभे आहेत, म्हणून आपल्या जगण्याला इथे महत्व प्राप्त होतय अन्यथा आज पर्यंतचा इतिहास आहे ज्या देशातील सैनिक मनातून खचले किंवा त्यांचे शोषण झाले त्या देशाची चाळणी व्हायला वेळ लागला नाही. 

जय हिंद, जय भारत....!